Noy, hr.minister!
Einaferð varð ein ensk skemtirøð, ið kallaðist Javel, hr.minister.
Kom at hugsa um hana í samband við fólkatingsvalið.
Tykist, sum føroysku fólkatingsumboðini seinastu árini bara hava sagt: ”Javel, hr.minister.”
Danmark boykottaði Føroyar. ”Javel, hr.minister”, var svarið.
Radari skal setast upp í Føroyum, uttan um Føroya fólk. ”Javel, hr.minister”, er svarið.
Hetta er púra burturvið. Føroyskir politikarar skulu røkja Føroya áhugamál.
Tí má svarið hjá føroyskum fólkatingsumboðum verða: ”Noy, hr.minister!”
Og tað verður mítt svar í slíkum førum, um eg verði vald á Fólkating.
Beinta Løwe, valevni, Tjóðveldi, Listi E.
